الآن انكشفتْ حقيقتك ..يلعن أبو جوعك ؛ يا خاين الخُبيزة والجرجير ..!! منذ متى وأنت على ( هالدِّرْبَة ) ..؟؟ معلومة للمُدن والفلاّحين ؛ الدِّرْبة أقرب معنى لها هو الدرب ...يعني يصبح المعنى : منذ متى وأنت ماشي على هالدرب ..!!
إمبارح ..كنت زغير ..وإمبارح كنت تلعب بـِ (خَـ....كْ)..!! ما الذي جعلك تكبر علينا ..؟؟ وَلَكْ ما تكبر إلاّ المزبلة ..مِشْ هيك يقولوا ..وأنا بقول مثل ما يقولوا ...!!
وَلَكْ ..كاسة الشاي كنت تخبّي ( مدالية الليبتون ) تاعتها ..حتى تستخدمها مرّة ثانية وثالثة ..!! قال إيش ..؟؟ قال بتحب الشاي خفيف ..!! يا خفيف ..وَلَكْ حتى بنطلونك المفروط من ورا ؛ كُنّا لمّا نحكيلك ..بنطلونك هبّتْ عليه الشرقيّة ومزعته..حفاظاً على مشاعرك ..كنت تدّعي بأنّك قُمتَ بفرطه بنفسك لأن الدنيا (شوب ) وبدّك تتهوّى وما بدّك ( إتْسَمِّطْ ) ..سماط إللي يشمطك..من راسك لرجليك ..ولَكْ سَمّطِتْ وإللي كان كان ..!!
يلعن أبو جوعك ..صورتك وانت تغمِّس الفتّة بالخبز ؛ لسّة موجودة ..!! تذكّرْ لمّا رُحتْ عَ الصيدلي و أعطاك تحاميل ..وسألته : بعد الأكل وإلاّ قبله ..؟؟ فضحك الصيدلي
ليست هناك تعليقات:
إرسال تعليق